হাল্কাচ্ছলে

কবিতায় ভোটাভুটি 
উত্তম কুমার রায় 
৩০ মার্চ ২০২১
 

ভোট নিয়ে কিছু হাঁসির কবিতা নিবেদন করেছেন উত্তম কুমার রায় ...

শান্তি নাই


আগর লাকান শান্তি নাই,
ঘরো নাই আর,বারেও নাই ।

শান্তির খুঁজে কইবা যাই!

চাইরোবায়দি খালি বুদ পাই,
অশান্তি যেমন লইছে ঠাই,
ধর্ম আর রাজনীতির সীমা নাই,
হকলর যেমন জাগা নাই।

কিতা কইতা কিতা করতা 
ইতার কোনো দিশ নাই,
আর কোনোবায় কেউর সবুর নাই।

বেসবুর হকল অইগেছইন যেমন-
খালি হকলর খাই খাই।

হরুতা অকলর মনো আনন্দ নাই,
পড়াতও ভালা মন নাই ;
ইন্টারনেটো যেমন তারার 
হকলতারউ উত্তর পাই।

আর,চাইরোবায়দি খালি নেটর বালাই।

পেট যদি ভরতো নেটে,
তেতো খানিরউ দরকার নাই !

আনন্দ ফুর্তি হকলতা ছাড়িয়া
হারাদিন খালি মোবাইল টিপাই,
ইতা হাল্লত দেখিয়া হকল
অইযাইতরা গিয়া তালপাতার সিপাই।

আটিতে বইতে অফিসে আদালতে,
খালি মোবাইলেদি বইয়া চাই,
ইতা আরামর জগত ফালাইয়া 
কই গিয়া বা শান্তি পাই!

বুড়া দাদুয়ে কইতরা রেবা
আগর লাকান আর,শান্তি নাই।। 

 

আমরা কতো ভাগ্যবান

 

আমরা কতো ভাগ্যবান
বিদেশ থাকি বড়বড় নেতা
উরিউরি আইতরা।
ভরারৌদ আমজনতার
আতোতালি পাইতরা।।
পাচবসরে একবার
হকলর দেখা পাই ।
জিতিয়া হারলে কিগু কিয়ানো
কেউরর খবর নাই ।।
ভোট আইলে উরুকেও চিনে
কতো চিপা রাস্তা।
একটা আশা মনো খালি
বুট পাইতাম বস্তা বস্তা ।।
মেঘ তুফান ঝর,বান
কে বা রাখে খবরখান ।
বুট সামনে আইলেউ বুঝি
আমরা বড়ো ভাগ্যবান ।।

 

 

 

ভোট আইছে


পাঁচ বছর বাদে আইছে ভোট আবার বনতো সরকার ।
বুঝাজার অকন হকল মাইনসর ভোটর সময় দরকার।। 
পাঁচ বছরে কততা করলা হকলে কইরা হিসাব দেও। 
নাইলে বুলে ইবার ভোটো দাড়াইলে ভোট আর দিতানা কেউ।। 
হিসাব দিয়া কিতা অইতো অলাউ তো ভালা চলের। 
নেতা অকলর সম্পদ দেখিয়া হকলর খালি জ্বলের।।
গরিবি হটাও গরিবি হটাও ইতা আর হুনতায় কতো। 
গরিবেও বইয়া স্বপন দেখরা আমি যদি হইতাম নেতার মতো।। 
নেতা অইলে কোনো চিন্তা নাই খালি মাল আর মাল ।
উফল মাছেও চিল্তা করের মারতো হিঙ্গির লাকান ফাল।। 
পাঁচ বছরে ভোট আইছে চাইরোবায়দি চলের মাত।
নেতা হকলে আগেউ চিন্তা করিলাইছইন কে ধরতা কার হাত।। 
ভোট আইবো ভোট যাইবো ললিপপ দেখাইবা খালি  তারা। 
আর কতো লোভ দেখাইতায় ইতা আর যার না জারা।। 
কিতা করতায় ইতা মাতিয়া হকলউ ভালা আর বুরা। 
আশা করিয়ার হকল সময়উ যদি আগেদি আরও ভালা হয় থুরা।। 

ভোট আইছে আবার


ভোট আইছে আবার পাচবসর বাদে
খানিটা ভালাউ অইবো বিরিয়ানির স্বাদে
বক্কা টেকা জেবো পরলে ভাত কেনে খাইতায়
অতো স্বাদর বিরিয়ানির পয়সা বউতদিন বাদে পাইতায়
কেউকেউ কইতরা আমরার পাওনাটেকা আমরারে বাটিতরা
কেউরর মতে টেকা বাটিয়া ভোট অগুন নাঠিতরা
কেউরর মতে পাচবরসে অগুনতাউ পাই
ভোটর জিতার বাদে অতাউ কুনোবায় নাই
ভোটো জিতিয়া তারা কোটি টেকা সম্পত্তি করতা 
ভোটর সময় খালি আমরার পাত ধরতা
একবারউ বুঝইন ভোট না দিলে কোনোকাম আর অইতোনায়
আগামী পাচবসরে হকলতা অইবো কুনতা বাদ রইতোনায়
আমজনতায় কইতরা বুর্বক পাইয়া
বারেবারে ঠগিতায় আও
একশো দুইশয় কাম অইতোনায় 
হাজারটেকা থইয়া যাও
গরিবর তো কুনতাউ নাই কয়দিন
ভালাভালা খাইমু 
আরতো ইলা দিন আইতোনায়
মহানেতা অকলরে আমরার 
দূয়ারো পাইমু ।।।।।

ঈশানের যোগাযোগ

ঈশান কথার ঠিকানা

BANIPARA

SILCHAR - 788001

ASSAM , INDIA

PHONE : +91 6002483374, 7002482943, 9957196871

EMAIL : ishankotha@gmail.com

Facebook Page : 

https://www.facebook.com/ishankotha

ঈশান কথায় লেখা পাঠাতে হলে

  1. Whatsapp your Writeup (in Bengali or English) in any of our phone numbers

  2. Email your Article written in MS Word (no pdf file / no image file) in our email id

  3. For Bengali Articles, write with AVRO Software or use any Bengali Unicode Font for Writing in MS Word (No STM software)

  4. You can send the Articles in Bengali or English in Facebook Messenger also to any one the IDs of - Joydeep Bhattacharjee / Krishanu Bhattacharjee / Chinmoy Bhattacharjee /  Page of Ishan Kotha "m.me/ishankotha"

  • Facebook
  • Twitter
  • YouTube
  • Pinterest
  • Instagram
Give Us Your Feedback
Rate UsPretty badNot so goodGoodVery goodAwesomeRate Us

© 2020-21 Ishan Kotha. Site Developed by Krishanu's Solutions